"Ўзавтосаноат" раисига янги ўринбосарлар тайинланди
Трансформация ва молия масалалари бўйича биринчи ўринбосар ишдан олинди.
"Ўзавтосаноат" раисига янги ўринбосарлар тайинлангани хабар берилди.
Жумладан, Раҳмонов Баҳодиржон Солижонович "Ўзавтосаноат" АЖ бошқаруви раисининг маҳаллийлаштириш, кооперация алоқаларини саноатда кенгайтириш ва ахборот технологиялари масалалари бўйича биринчи ўринбосари лавозимига тайинланди.
Аввал бу лавозимда ишлаган Абдуваққос Рафиқов Вазирлар Маҳкамаси ҳузуридаги Саноат, радиация ва ядро хавфсизлиги қўмитаси раиси лавозимига тайинланганди.
"Ўзавтосаноат" бошқаруви раисининг трансформация ва молия масалалари бўйича биринчи ўринбосари Шукуров Азизбек Кобилович лавозимидан озод этилди.
Мухамедов Диёр Рауфович бошқарув раисининг трансформация ва молия масалалари бўйича ўринбосари лавозимига тайинланди.
