UzAuto Motors 8 ойда қарийб 9 трлн сўм фойда кўрди
Кўрилган фойдадан 264 млрд сўми акциядорлар ўртасида тақсимланиши белгиланган.
Иқтисод
15 январь, 10:23
UzAuto Motors 2024 йил 8 ойида 8,8 трлн сўм фойда кўрди. Бу ҳақда Истиқболли лойиҳалар миллий агентлиги порталида эълон қилинган ҳужжатда айтилади.
Унга кўра, кўрилган фойдадан 264 млрд сўми АЖ акциядорларига тақсимланиши белгиланган.
Қолган 8,57 трлн сўм жамиятнинг тақсимланмаган фойдасига йўналтирилади. Бир дона жойлаштирилган акция учун дивиденд миқдори 975 сўм миқдорида этиб белгиланган. Ҳисобланган дивидендлар 2025 йил 10 январдан 2025 йил 11 мартга қадар пул кўринишида тўланади.
Эслатиб ўтамиз, аввалроқ Одилжон Бастамкулов UzAuto Motors'нинг вақтинчалик раҳбари этиб тайинланганди.
