Шавкат Мирзиёев "Манчестер Сити" хўжайини билан учрашди

Шавкат Мирзиёев бугун Абу-Даби шаҳрига ташрифи доирасида Бирлашган Араб Амирликлари вице-президенти Шайх Мансур Ол Наҳаён билан учрашув ўтказди.

Шайх Мансур Англиянинг "Манчестер Сити" жамоаси хўжайинларидан бири бўлади. Клуб яқинда Абдуқодир Ҳусановни 40 млн еврога сотиб олганди.

Учрашувда кўп қиррали ҳамкорлик ва устувор йўналишлардаги амалий шерикликни янада кенгайтиришнинг долзарб масалалари кўриб чиқилди.

Уй-жой ва транспорт инфратузилмаси, энергетика, тоғ-кон саноати, шаҳарсозлик, рақамлаштириш ва бошқа соҳаларни ривожлантириш бўйича кооперация лойиҳаларини илгари суриш муҳимлиги қайд этилди.

Сунъий интеллект борасида, шу жумладан соҳа мутахассисларини тайёрлаш бўйича қўшма лойиҳа ва дастурларни амалга ошириш истиқболли йўналиш сифатида белгиланди.