Абдуқодир Ҳусанов "Манчестер Сити"га ўтадиган бўлди
Инглиз жамоасининг француз клуби билан музокаралари шу ой охирида якунланади.
Спорт
10 январь, 8:50
Франциянинг "Ленс" жамоасида ўйнаётган ўзбекистонлик Абдуқодир Ҳусанов Англиянинг "Манчестер Сити" жамоасига ўтадиган бўлди.
Бу ҳақда италиялик машҳур спорт журналисти Фабрицио Романо маълум қилди. Ҳусанов бўйича музокаралар шу ой охиригача давом этади.
Англия чемпионатида ўйнайдиган илк ўзбек футболчиси бўлиши кутилаётган Ҳусановнинг якуний трансфер баҳоси ҳозирча маълум қилинмаган.
Аввалроқ унга "Нюкасл", "Реал Мадрид" каби жамоалар ҳам қизиққан эди. Унинг нархи 30 млн еврогача кўтарилганди.
