Трамп ва Путин Словакияда учрашиши мумкин
Мамлакат парламенти вице-спикери Андрей Данко бу ҳақда маълумот берди.
Трамп ва Путин Словакияда учрашиши мумкин.
Словакия парламенти вице-спикери Андрей Данко Россия президенти Владимир Путин ва АҚШнинг сайланган президенти Доналд Трампнинг учрашуви мамлакат пойтахти Братиславада бўлиб ўтиши мумкинлигини айтди.
Бу ҳақда у "Известия" газетасига берган интервюсида маълум қилди.
Данко Путин ва Трампнинг Братиславада учрашиши мумкинлигини ва буни муҳим эканини таъкидлади. Унинг фикрича, икки етакчи ўртасида мулоқот зарур.
“Украинадаги воқеалар бир кунда содир бўлмади. Бу узоқ тарих", деб таъкидлади Данко.
Эслатиб ўтамиз, аввалроқ АҚШнинг сайланган президентининг маслаҳатчиси Майк Уолц Трампнинг Путин билан музокараларга тайёргарлиги ҳақида маълум қилганди. Унинг сўзларига кўра, Трамп Россия билан мулоқотсиз Украина бўйича келишувга эришиб бўлмайди, деб ҳисоблайди.
Трампнинг ўзи Путин билан музокараларга тайёрланаётганини ҳам тасдиқлади. Унинг сўзларига кўра, томонлар шартлар бўйича келишиб олишмоқда.
