Метан заправкалари бугундан қайта очилмоқда

Ўзбекистондаги барча метан заправкалар қайтадан очилмоқда. Бу ҳақда Энергетика вазирлиги матбуот хизмати хабар берди. 

Табиий газ босимининг меъёрий схемага қайтгани муносабати билан бугундан эътиборан мамлакатимиздаги барча автомобилларга газ тўлдириш компрессор шохобчалари очилади, дейилади хабарда.

Эслатиб ўтамиз, феврал ойининг охирги ўн кунлигида об-ҳаво ҳароратининг кескин пасайиши фонида метан заправкалари фаолиятига чекловлар киритилганди. 

Аввалроқ, 18 феврал куни об-ҳавонинг кескин совиши оқибатида заправкаларга чеклов жорий этилганди.