Нодирбек Абдусатторов дунё шахматчилари топ-10лигига кирди
Prague Chess Festival 2024 турнирини ғалаба билан бошлаган Нодирбекнинг рейтинги 2753.5 га етди ва 5 карра жаҳон чемпиони Вишванатан Анандни ортда қолдирди.
Ўзбекистонлик шахматчи Нодирбек Абдусатторов янгиланган дунё шахмат рейтинг жадвалида ТОП-10'ликка кирди.
Prague Chess Festival 2024 турнирининг 1-турида Даи Ван Нгуен устидан ғалаба қозонган Нодирбекнинг рейтинги 2753.5 га етди ва 5 карра жаҳон чемпиони Вишванатан Анандни ортда қолдирди.
Айтилишича, ҳозиргача ҳеч қайси ўзбек шахматчиси ТОП-10 кирмаган. Бунгача ўзбек шахматидаги энг яхши натижа Рустам Қосимжоновга тегишли бўлиб, у 2715 очко билан жаҳон рейтингида 11-ўринда қайд этилган эди.
Феврал бошида Нодирбек Абдусатторов Халқаро шахмат федерациясининг (FIDE) январь ойидаги рейтингида дунёнинг энг яхши 15 нафар шахматчиси қаторига кирганди.
19 ёшли шахматчи бир ой ичида турнир жадвалида 22-ўриндан 15-ўринга кўтарилди, Арпад Эло рейтинги эса 2727 дан 2744 га кўтарилди. Нодирбек Абдусатторов Ўзбекистон тарихида бундай рейтингга эришган биринчи шахматчи бўлганди.
