Путин Илҳом Алиевдан узр сўради
Россия томони ташаббуси билан уюштирилган суҳбатда Ақтауда қулаган самолёт масаласи кўтарилган.
Россия президенти Владимир Путин Озарбайжон ҳаво йўллари самолёти ҳалокати сабаб Илҳом Алиевдан узр сўради.
Кремл баёнотида айтилишича, телефон суҳбати Россия томонининг ташаббуси билан бўлиб ўтган.
Россия президенти Владимир Путин Озарбайжон президенти Илҳом Алиевдан "фожиали воқеа Россия ҳаво ҳудудида юз бергани учун" узр сўраган. У суҳбатда Россия ҳаво мудофааси ишини эслатиб ўтди, бироқ бу самолёт ҳалокатига сабаб бўлганини тўлиқ олмаган.
"Озарбайжон йўловчи самолёти қатъий белгиланган жадвал бўйича Грозний аэропортига бир неча бор қўнишга уринган. Айни пайтда Грозний, Моздок ва Владикавказ Украина жанговар учувчисиз учиш аппаратлари томонидан ҳужумга учраган ва Россия ҳаво мудофаа тизимлари бу ҳужумларни қайтарган", — дейилади Кремл сайтидаги хабарда.
Embraer 190 самолёти 25 декабр Ақтау аэропортидан уч километр узоқликда қулаб тушди. Самолёт бортидаги 67 кишидан 38 нафари ҳалок бўлган, 29 нафари тирик қолган.
Ҳозирда Озарбайжон Бош прокуратурасининг икки ходими Грознийда бўлиб турибди. Улар Россия Федерацияси Бош прокуратураси ва Тергов қўмитаси вакиллари билан ҳамкорликда иш олиб бормоқда.
