Янги йил байрамида кетма-кет 6 кун дам олиш берилади

Янги йил байрамида кетма-кет 6 кун дам олиш берилмоқда.

"Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида" ги Президент қарори (452-сон, 24.12.2024 й.) қабул қилинди.

Қарорга кўра, 2025 йилда 5 кунлик иш ҳафтасида ишлайдиган ходимлар учун дам олиш куни 4 январ – шанба кунидан 2 январ – пайшанба кунига кўчирилди ҳамда 6 кунлик иш ҳафтасида ишлайдиган ходимлар учун 2 январ – пайшанба қўшимча дам олиш куни этиб белгиланди.

Янги йил байрами арафасида қуйидаги кунлар дам олинади:

-28 декабр (шанба) — 5 кунлик иш ҳафтасида ишлайдиган ходимлар учун дам олиш куни (6 кунлик иш ҳафтасида ишлайдиган ходимлар учун иш куни);

-29 декабр (якшанба) — умумий дам олиш куни;

-30 декабр (душанба) — қўшимча дам олиш куни;

-31 декабр (сешанба) — қўшимча дам олиш куни;

-1 январ (чоршанба) — Янги йил байрами;

-2 январ (пайшанба) — 5 кунлик иш ҳафтасида ишлайдиган ходимлар учун дам олиш куни, 6 кунлик иш ҳафтасида ишлайдиган ходимлар учун қўшимча дам олиш куни.