Жаҳон банки Ўзбекистонга 3,5 млн доллар ажратади
Маблағ Хоразмда қуриладиган қуввати 100 МВт бўлган янги қуёш электр станцияси билан боғлиқдир.
Жаҳон банки Ўзбекистонга 3,5 млн доллар ажратди. Бу ҳақда банкнинг ахборот хабарида маълум қилинган.
Жаҳон банки Ўзбекистон учун банк кафолати кўринишидаги 3,5 млн долларлик молиялаштиришни маъқуллади.
Ушбу кафолат “Ўзбекистон миллий электр тармоқлари” АЖ давлат компаниясининг қуввати 100 МВт бўлган янги қуёш электр станциясида ишлаб чиқариладиган электр энергиясини харид қилиш бўйича тўлов мажбуриятларини ўз вақтида бажарилишини таъминлайди.
Хоразм вилоятидаги ушбу объектни қуриш билан Франциянинг Voltalia компанияси шуғулланади. Компания ушбу объект лойиҳасини ишлаб чиқиш, молиялаштириш, қуриш ва эксплуатация қилиш учун жавоб беради.
Лойиҳа ишга туширилгач, “Sarimay Foreign Enterprice LLC” станцияда ишлаб чиқариладиган электр энергиясини “Ўзбекистон миллий электр тармоқлари” АЖ давлат компаниясига сотади. Бу икки томон ўртасида 25 йил муддатга электр энергиясини сотиб олиш тўғрисидаги шартномада назарда тутилган.
Қуёш электр станциясини 2025 йил ноябр ойида ишга тушириш режалаштирилган. У 177 гектар майдонда жойлашган бўлиб, йилига 240 гигаватт-соатдан ортиқ қайта тикланувчи энергия ишлаб чиқаради.
