Тўлов-контрактларни тўлаш муддати 31 декабргача узайтирилди
Бу 2024/2025-ўқув йилида қабул қилинган абитуриентлар учун амал қилади.
ОТМларда тўлов-контракт пулини тўлаш муддати 31 декабрга қадар узайтирилди.
Бунга Давлат қабул комиссиясининг баёни асос бўлган. Унга кўра, 2024/2025-ўқув йилида олий таълим муассасаларининг қуйидаги бакалавриат ҳамда магистратура талабалари учун базавий ва табақалаштирилган тўлов-контрактнинг бир йиллик ўқитиш қийматидан 50 фоизи миқдоридаги тўловларни амалга ошириш ва талабалар сафига қабул қилишни расмийлаштиришнинг сўнгги муддати 2024 йил 31 декабри (шу куни ҳам) етиб белгиланди:
- тўлов-контракт жумладан, табақалаштирилган тўлов-контракт асосида талабаликка тавсия этилган абитуриентлар (1-курслар);
- ўқиши кўчирилган (кўчириб тикланган) ва қайта тиклаган талабалар;
- Қорақалпоғистон Республикасида доимий яшайдиган ҳамда умумиу ўрта, ўрта-махсус ва профессионал таълим муассасаларини тамомлаган ёшлар учун ажратилган қўшимча қабул квоталарига талабаликка тавсия этилган абитуриентлар.
Бу 2024/2025-ўқув йилида қабул қилинган абитуриентлар учунгина амал қилади.