Шавкат Мирзиёев Германия президентига ҳамдардлик билдирди
Магдебург шаҳридаги Рождество бозорида машина оломон устига ҳайдалиши сабаб бир неча киши ҳалок бўлганди.
Сиёсат
21 декабрь 2024 йил
Шавкат Мирзиёев Германия президентига ҳамдардлик билдирди.
Президент Шавкат Мирзиёев Германиянинг Магдебург шаҳрида юз берган фожиа оқибатида инсонлар ҳалок бўлгани ва жиддий жароҳат олгани муносабати билан Президент Франк-Вальтер Штайнмайерга таъзия йўллади.
"Ўзбекистон раҳбари қурбон бўлганларнинг оила аъзолари ва яқинларига чин дилдан ҳамдардлик билдириб, жароҳат олганлар тез орада шифо топишини тилади", дейилади хабарда.
Эслатиб ўтамиз, Bild газетасига кўра, Магдебург шаҳридаги Рождество бозорида содир бўлган ҳодисада 11 киши ҳалок бўлган.
