Ўзбекистонлик ёшларнинг IELTS олиш бўйича маълумотлари очиқланди

Ёшлар ишлари агентлиги директори Алишер Саъдуллаев ўзбекистонлик ёшларнинг IELTS олиш бўйича маълумотларини очиқлади.

Унга кўра, IELTS имтиҳонидан 5,5 ва ундан юқори балл олган ёшлар сони 2020 йилда 10 152 нафарни ташкил этган бўлса, жорий йилда 52 706 нафарга етган. Яъни 4 йилда 5 баробарга ўсиш кузатилган.

Шунингдек, 7-8 балл (C1 даража) қўлга киритганлар сони 2020 йилда 1807 нафарни ташкил этган бўлса, 2024 йил ҳолатига 13 424 нафарни ташкил этмоқда. Ўз навбатида бу 7,4 баробарга ўсиш кузатилганини англатади.

8,5-9 балл (C2 даража) қайд этганлар сони 2020 йилда 14 нафар бўлган, 2024 йил ҳолатига эса уларнинг сони 332 нафарга етган.

Бу инглиз тилини “native speaker” даражасида ўзлаштирган ёшлар 2021 йилдагига қараганда қарийб 23,7 баробарга ортганини англатади.