Пойтахт ҳокимлиги болажонлар учун ажойиб туҳфа тақдим этди
Тошкент шаҳрида болажонлар учун бепул мусиқали томошалар намойиш этилмоқда.
“Тошкент ёшларни севади” ойлиги доирасида пойтахтда жойлашган Ўзбекистон Миллий кино санъат саройида болалар учун бепул концерт-шоулар бошланди.
Хусусан, 9 декабрь куни “Мими шоу” ва “Биллур бошмоқли қиз” мусиқали томошалари намойиш этилди.
Маданий тадбирларга Тошкент шаҳридаги умумтаълим мактабларининг бошланғич синфларида таълим олаётган 36 минг нафар ўқувчиларни қамраб олиш кўзда тутилган.
Бу каби тадбирлардан кўзланган мақсад болаларнинг бўш вақтларини унумли ўтказиш, ижодий фикрлаш қобилиятларини ривожлантириш ва фаол ўқувчиларни рағбатлантиришдан иборат.
Маълумот учун, концерт-шоу ҳар куни 4 марта – 3 та ўзбек тилида ва 1 та рус тилида намойиш этилади ва 13-декабрга қадар давом этади.
