Қувасойда давлат ва жамият манфаатларига миллиардлаб зарар етказилгани аниқланди
“Қувасой-1” қум-шағал кони ҳудудидан ажратилган ер майдонидан 18 344 куб. метр қум-шағал аралашмаси ўзбошимчалик билан қазиб олинган.
Қувасой шаҳрида 4,1 млрд сўмлик қум шағал аралашмасини ўзбошимчалик билан қазиб олиш ҳолати аниқланди.
Бош прокуратура ҳузуридаги Департаментнинг Қувасой шаҳри бўлими томонидан терговга қадар текширув ўтказиган.
Унда “F.X.” МЧЖ масъул шахслари геологик жиҳатдан ўрганиш ишларини олиб бориш учун “Қувасой-1” қум-шағал кони ҳудудидан ажратилган ер майдонидан 18 344 куб. метр қум-шағал аралашмасини ўзбошимчалик билан қазиб олиб, давлат ва жамият манфаатларига 4,1 млрд сўм зарар етказганликлари аниқланган.
Мазкур ҳолатлар юзасидан Жиноят кодексининг 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.