ИИВ жиноят қидирув хизмати бошлиғи ва Тошкент шаҳар ИИББ бошлиғининг биринчи ўринбосари ишдан олинди
ИИВ Тезкор қидирув департаменти Жиноят қидирув хизмати бошлиғи, Тошкент шаҳар ИИББ бошлиғининг биринчи ўринбосари ҳамда Тошкент шаҳар ИИББ Тезкор қидирув хизмати Жиноят қидирув бошқармаси Уюшган жиноятчиликка қарши курашиш бўлими бошлиғи лавозимидан озод этилди.
Ички ишлар вазирининг тегишли буйруғи билан ИИВ Тезкор қидирув департаменти Жиноят қидирув хизмати бошлиғи полковник Атхамов Ахроржон Халимжонович лавозимидан озод этилди.
Шунингдек, Тошкент шаҳар ИИББ бошлиғининг биринчи ўринбосари полковник Ташходжаев Дониёр Бахтиярович ҳам ишдан олинди.
Тошкент шаҳар ИИББ бошлиғининг тегишли буйруғи билан ИИББ Тезкор қидирув хизмати Жиноят қидирув бошқармаси Уюшган жиноятчиликка қарши курашиш бўлими бошлиғи подполковник Собиров Тимур Акрамович лавозимидан озод этилди.
