“Тошкент ёшларни севади” ойлиги доирасида очиқ мулоқотлар бошланмоқда
Тошкент шаҳар ҳокимлиги ташаббуси билан ўтказилаётган “Тошкент ёшларни севади” ойлиги муҳим паллага кирди.
15 ноябрь куни соат 10:00 да Тошкент шаҳри, Олмазор туманида жойлашган “Заковат арена” биносида ёшлар ва мутахассислар ўртасидаги ёшлар муаммолари бўйича очиқ мулоқот форуми бўлиб ўтади.
Бундан ташқари, шу куни соат 14:00 да фан ва таълим йўналиши бўйича очиқ мулоқот ўтказилади. Унда Олимжон Тўйчиев, Шахноза Жолдасова, Сарварбек Баҳодиров, Муҳаммадали Эшонқулов, Абдулазиз Якубов каби спикерлар иштирок этиб, ёшлар билан мулоқот қилишади.
Мазкур мулоқотларда иштирок этиш учун @poytaxtuzbot телеграм боти орқали рўйхатдан ўтиш лозим.
