Пентагоннинг махфий ҳужжатларини тарқатиб юборган ходим 15 йилга қамалди

АҚШда ўтган йили Пентагон тарихидаги энг йирик махфий ҳужжатлардан бирини ошкор қилган собиқ Миллий гвардия ходими Жек Тейшейра 15 йиллик қамоқ жазосига ҳукм қилинди.

22 ёшли Тейшейра март ойида миллий мудофаа маълумотларини қасддан сақлаш ва узатишда ўз айбини тан олди.

Массачусетс штатидаги Миллий ҳаво миллий гвардиясининг 102-разведка қанотида ишлаганда, Тейшейра махфий материалларга, жумладан, хариталар, сунъий йўлдош тасвирлари ва АҚШ иттифоқчилари ҳақидаги разведка маълумотларига кириш ҳуқуқига эга бўлди ва кейин ҳужжатларни Discord онлайн платформасига жойлаштирди.

У ёпиқ гуруҳ аъзолари билан бўлишган ҳужжатлар орасида Украинадаги уруш ҳақидаги махфий маълумотлар ҳам бор эди.

Прокурорлар Тейшейрани 16,5 йилга озодликдан маҳрум этишни сўраган. Унинг адвокатлари уни 11 йилга озодликдан маҳрум қилишни сўраган.

Жазони қисқартиришни сўраган Тейшейранинг адвокатлари суд ҳужжатларида у мактабда ва кейинроқ ҳарбий хизматда бўлганида ҳақоратланганини таъкидлади.

Прокурорлар судланувчи "АҚШ тарихидаги жосуслик тўғрисидаги қонуннинг энг муҳим ва жиддий бузилишларидан бирини содир этган" деб, узоқроқ жазо муддатини талаб қилишди.

"Тейшеира ўз мамлакати учун хавфни тушунган ва лекин барибир буни қилди", деди прокурорлар судда.

Судланувчи узр сўради ва" барча масъулият ва оқибатлар фақат унинг елкасига тушишини" айтди, деди Бостон суд залидан журналистлар.

Ҳибсга олинганида 21 ёшда бўлган Тейшейра Discord платформасида кичик ёпиқ гуруҳни бошқарган ва у ерда 2022 йил охирида махфий файлларни жойлаштиришни бошлаган. Кейинчалик улар интернетда тарқалиб кетди.

Тейшейра 2019 йилда Массачусетс миллий гвардиясида хизматга қабул қилинган. Ўз лавозимига кўра, у жуда махфий имкониятларга ээга эди.