Халқаро жиноий суд ўз прокурорига қарши тергов ўтказмоқчи
Карим Хон жинсий зўравонликда гумонланмоқда. У аввал Исроил бош вазири Бинямин Нетаняҳуни ҳибсга олиш учун ордер сўраганди.
Халқаро жиноий суднинг бошқарув органи ўз прокурори Карим Хонга нисбатан ташқи тергов бошлайди, дея хабар беради Reuters манбалари.
У илгари жинсий зўравонликда айбланган. Карим Хон айбловларни рад этди.
Прокурор тергов давомида ўз ваколатларини тўхтатиб қўйишга чақирилди, деб ёзади Reuters ХЖС аъзолари ўртасида тарқатилган ички ҳужжатга таяниб.
Текширув Рим статутига аъзо давлатлар Ассамблеяси йиғилишида келишиб олинган.
Халқаро жиноий суд 120 га яқин давлат томонидан имзоланган Рим статутига асосланади. Суднинг юрисдикцияси Россия, АҚШ, Хитой, Исроил ва бошқа кўплаб давлатлар томонидан тан олинмаган.
2023 йилнинг март ойида ХЖС Россия президенти Владимир Путин ва болалар омбудсмени Мария Лвова-Беловани, 2024 йил июнида эса Россия Хавфсизлик кенгаши котиби Сергей Шойгу ва Бош штаб раҳбари Валерий Герасимовни ҳибсга олишга ордер берган. Карим Хон, шунингдек, Исроил Бош вазири Бинямин Нетаняхуни ҳибсга олиш учун ордер берилишини талаб қилди.
2023 йил май ойида Россия Ички ишлар вазирлиги жаноб Хоннинг ўзини қидирувга берган.
