Путин Трампни ғалаба билан табриклади
У Трампнинг Украина инқирозини тугатишга ёрдам беришга тайёрлиги ҳақидаги баёнотларини "эътиборга молик" дея атади.
Россия президенти Владимир Путин Доналд Трампнинг АҚШдаги президентлик сайловидаги ғалабасига илк бор изоҳ бериб, уни табриклади.
"У билан истаган услубда гаплаша оласиз", деди Путин "Валдай" халқаро мунозаралар клуби йиғилишида.
Россия президентининг сўзларига кўра, Трампнинг сайловолди ташвиқоти пайтидаги суиқасдда ўзини тутиши унда катта таассурот қолдирди: "У жасур одам бўлиб чиқди", деган Путин.
"Энди нима бўлишини билмайман", - дея давом этди у ва Трампнинг "Украина инқирозини тугатишга ёрдам беришга" тайёрлиги ҳақидаги баёнотларини эслади. "Менимча, бу эътиборга лойиқдир. Фурсатдан фойдаланиб, уни табриклайман", деди Путин.
У Трампга қўнғироқ қилишни режалаштирмаган, гарчи у буни "уятли" деб ҳисобламаса ҳам.
"Мен буни қилмайман", — дея қўшимча қилди Путин ва Ғарб етакчилари билан алоқаларни тиклашга тайёрлигини маълум қилди.
Россия президентининг матбуот котиби Дмитрий Песков Путиннинг табригини расмий талқин қилиш мумкинлигини айтган.
