Вақтинча ишсиз қизлар учун замонавий касблар бўйича маҳорат дарси бўлиб ўтади
Тошкент шаҳар ҳокимлиги ташаббуси билан “Тошкент ёшларни севади” ойлиги доирасида 8 ноябрь куни қизлар учун маҳорат дарси ташкил этилмоқда.
Пойтахтда истиқомат қилувчи, 30 ёшгача бўлган 1000 нафар қиз замонавий касбга ўқитилиб, уларнинг бандлигини таъминлаш ва даромад топишларига имконият яратиш мақсадида мега лойиҳа амалга оширилмоқда.
Тошкент шаҳар ҳокимлиги мазкур лойиҳа доирасида вақтинча ишсиз қизлар учун 8 ноябрь куни соат 10:00 да “Заковат арена” биносида тажрибали мутахассислар томонидан маҳорат дарси ташкил этмоқда.
Манзил: Тошкент шаҳри, Олмазор тумани, “Заковат арена” биноси. Мўлжал: “Беруний” метро бекати.
