Жўрабек Раҳимов Хоразм вилояти ҳокими этиб тасдиқланди
Депутат Алтибай Ражабов эса халқ депутатлари Хоразм вилояти Кенгаши раиси лавозимига сайланди.
Жўрабек Раҳимов Хоразм вилояти ҳокими лавозимига тасдиқланди.
Бугун халқ депутатлари Хоразм вилояти Кенгашининг еттинчи чақириқ биринчи сессияси бўлиб ўтди. Унда вилоят сайлов комиссияси раисининг жорий йил 27 октябрда бўлиб ўтган сайлов якунлари тўғрисидаги ахбороти тингланди.
Сессияда 14-Ғозовот сайлов округидан сайланган депутат Ражабов Алтибай Бегжанович халқ депутатлари Хоразм вилояти Кенгаши раиси этиб сайланди.
Шунингдек, сессияда халқ депутатлари Хоразм вилояти Кенгашига сайланган депутатларнинг партия гуруҳлари рўйхатдан ўтказилиб, вилоят Кенгашининг Регламенти ва доимий комиссиялар тўғрисидаги Низом тасдиқланди. Сессияда Раҳимов Жўрабек Раҳимович Хоразм вилояти ҳокими лавозимига бир овоздан тасдиқланди.
Аввалроқ Эркинжон Турдимов Самарқанд вилояти ҳокими этиб тасдиқланганди.
