Қорақалпоғистон қишлоқ хўжалиги тизимида тайинловлар амалга оширилди
Дарябай Кайпов Қорақалпоғистон Республикаси қишлоқ хўжалиги вазири лавозимига тайинланди.
Қорақалпоғистон қишлоқ хўжалиги соҳаси раҳбариятида тайинловлар амалга оширилди.
Жумладан, Шуҳрат Тешаев Қорақалпоғистон Республикаси Вазирлар Кенгаши раисининг қишлоқ ва сув масалалари бўйича ўринбосари этиб тайинланди.
Бунгача у Ўзбекистон фермер, деҳқон хўжаликлари ва томорқа ер эгалари кенгаши раисининг биринчи ўринбосари лавозимида ишлаб келган. Шуҳрат Тешаев меҳнат фаолияти давомида “Пахта” илмий-ишлаб чиқариш бирлашмаси бош директори, қишлоқ ва сув хўжалиги вазирининг агротехнология масалалари бўйича биринчи ўринбосари сифатида ишлаган.
2014-2016 йилларда Ўзбекистон қишлоқ ва сув хўжалиги вазири бўлган. 2016-2018 йилларда қишлоқ ва сув хўжалиги вазири ўринбосари – Қишлоқ хўжалиги илмий-ишлаб чиқариш маркази бош директори, 2018-2019 йилларда Фарғона вилояти ҳокимининг қишлоқ ва сув хўжалиги масалалари бўйича ўринбосари лавозимида фаолият юритган.
Дарябай Кайпов Қорақалпоғистон Республикаси қишлоқ хўжалиги вазири лавозимига тайинланди.
Бунгача у Қорақалпоғистон Республикаси Вазирлар Кенгаши раисининг қишлоқ ва сув масалалари бўйича ўринбосари эди.
