Трамп Путинга "қақшатқич зарба" билан таҳдид қилганини айтди

АҚШ собиқ президенти Доналд Трамп Россия раҳбари Владимир Путинга Москвага қақшатқич зарба бериш билан таҳдид қилганини айтди.

Трампнинг сўзларига кўра, агар Россия Украинага қарши ҳаракатларидан воз кечмаса, Москвага зарба бериш билан таҳдид қилган.

Путин, унинг версиясига кўра, таҳдидга "no way" (Бўлиши мумкин эмас) деган сўзлар билан жавоб берган.

Собиқ президент Доналд Трамп The Wall Street Journal нашрига берган интервьюсида ушбу суҳбат ҳақида гапирган.

“Мен айтдим: “Владимир, агар сен Украинани таъқиб қилишда давом этсанг, сенга шунчалик қаттиқ зарба бераманки, ҳатто ишонмайсан. Мен сенга Москва марказида зарба йўллайман". “Биз дўстмиз. Мен буни қилишни хоҳламайман, лекин бошқа иложим йўқ", дея гапирган Трамп.

Трамп бу мулоқот қачон ва қандай шароитда бўлиб ўтганини тушунтирмади, бироқ у ва Путин ўртасида жуда яхши муносабатда бўлганини ва Россия президенти унинг "телба феъл-атворини яхши билишини" таъкидлади.

Эслатиб ўтамиз, Трамп аввал Зеленскийни урушни олдини ололмаганликда айблаганди.