Қашқадарёдаги боғча-мактабларни иситиш учун 2 млрд ажратилди

Халқ депутатлари Қашқадарё вилояти кенгаши қарори билан мактабгача ва мактаб таълими ташкилотларининг иситиш тизими учун 2 млрд сўм ажратилди.

Маблағ республика бюджетидан ажратилган ссуда маблағларидан тақдим этилади, дейилади ҳужжатда. Вилояти иқтисодиёт ва молия бошқармаси маблағларнинг ишлатишини назоратга олади.

Жумладан, Қарши шаҳридаги муассасалар учун 81 млн, Шаҳрисабз шаҳри учун 80 млн, Китоб, Деҳқонобод, Касби туманлари учун 240 млн сўмдан, Миришкор туманига 255 млн, Шаҳрисабз туманига 285 млн сўм берилади.Тўлиқ рўйхат ҳужжат иловасида келтириб ўтилган.

Ҳужжат 2 октябр санасида имзоланган ва дарҳол кучга кириши белгиланган.