Ҳисоб палатаси раисига ўринбосарлар тайинланди
Отабек Аллаберганов солиқ органларида, жумладан, Давлат солиқ қўмитасида қатор лавозимларда ишлаган.
Ҳисоб палатаси раисига янги ўринбосарлар тайинланди.
Жумладан, Аллаберганов Отабек Валижонович — Ўзбекистон Республикаси Ҳисоб палатаси раиси ўринбосари ъэтиб тайинланди.
Аллаберганов 1977 йилда туғилган. 1999 йилда Урганч давлат университетини тамомлаган. Иқтисодиёт фанлари номзоди илмий даражасига эга. Илгари солиқ органларида, жумладан, Давлат солиқ қўмитасида қатор лавозимларда ишлаган. Шунингдек, у Бош прокуратуранинг солиқ ва божхона ислоҳотларини амалга ошириш ҳамда иқтисодиёт соҳасидаги қонун ҳужжатлари ижросини назорат қилиш секторида ишлаган.
Мирзаев Сардор Алишерович Ҳисоб палатаси раиси ўринбосари бўлди. У 2005 йилда Тошкент молия институтини тамомлаган.
Сардор Мирзаев Молия институтлари ва давлат органларида ишлаган, 2016 йилдан буён Ҳисоб палатасида турли лавозимларда фаолият юритган.
