Бандлик вазири Беҳзод Мусаев лавозимидан олинди
Президент йиғилишида Ботир Зоҳидов камбағалликни қисқартириш ва бандлик вазири лавозимига тасдиқлангани маълум қилинди.
Бандлик вазири Беҳзод Мусаев ишдан олинди. Айни пайтда бўлиб ўтаётган президент йиғилишида Ботир Зоҳидов камбағалликни қисқартириш ва бандлик вазири лавозимига тасдиқлангани маълум қилинди.
Президент Шавкат Мирзиёев раислигида қурилиш индустрияси ва қурилиш материаллари ишлаб чиқаришни ривожлантириш масалаларига бағишланган йиғилиш ўтказилмоқда.
Йиғилишда Бандлик вазирлигининг ҳозирги иш юритиши билан бу марраларга эришиб бўлмаслиги қайд этилди. Шу муносабат билан Ботир Зоҳидов камбағалликни қисқартириш ва бандлик вазири лавозимига тасдиқлангани маълум қилинди.
Бу вазирлик фаолияти ҳам мутлақо бошқача бўлиши кўрсатиб ўтилди. Маҳаллабай агентлиги тугатилиб, унинг барча вазифалари ҳамда ҳоким ёрдамчилари Камбағалликни қисқартириш ва бандлик вазирлигига ўтади.
Эслатиб ўтамиз, Ботир Зоҳидов 1982 йилда Тошкент шаҳрида туғилган. Маълумоти олий.
У тайинловга қадар Марказий банк раисининг биринчи ўринбосари, Шайхонтоҳур тумани ҳокими лавозимларида фаолият юритган.
