Давлат чегараси ҳақидаги қонунга ўзгартиришлар киритиляпти

Сенат ялпи мажлисида давлат чегараси ҳақидаги қонунга айрим ўзгартиришлар киритиш ҳақидаги қонун лойиҳаси маъқулланди.

Жумладан:

• "Геодезия ва картография фаолияти тўғрисида"ги қонунга делимитация қилиш, яъни давлат чегараси чизиғини аниқлаш, унинг ўтишини тасдиқлаш ва уни харитада график тарзида акс эттириш;
• демаркация қилиш, яъни чегара белгиларини ўрнатиш йўли билан жойларда давлат чегараси чизиғини белгилаш;
• редемаркация қилиш, яъни давлат чегараси чизиғини тиклаш ва уни чегара белгилари билан тиклаш, йўқотилган чегара белгиларини тиклаш, қўшимча чегара белгиларини ўрнатиш каби тушунчалар киритилмоқда.

Бу ўзгартиришлар билан давлат чегараси бўйича барча қонунчилик ҳужжатларида чегара тушунчалари аниқ ва бир хил қўлланилишига эришилади, ДХХ чегара қўшинлари ваколатларини аниқлаштиришга хизмат қилади.

Қонун сенаторлар томонидан маъқулланди.