“Евро-4” стандартидан паст ёқилғилар босқичма-босқич тақиқланади
Шавкат Мирзиёевга кўрсатилган атроф-муҳитни муҳофаза қилиш бўйича таклифлар тақдимотида шу ҳақда сўз боради.
Чанг бўронларига қарши курашиш ва уларнинг оқибатларини юмшатиш бўйича 2024-2030 йилларга мўлжалланган миллий дастурда “Евро-4” стандартидан паст тоифадаги ёқилғини сотиш ва ундан фойдаланишни босқичма-босқич тўлиқ тақиқлаш назарда тутилади.
Президент Шавкат Мирзиёев 19 сентябр куни атроф-муҳитни муҳофаза қилиш ва туризм соҳаларидаги таклифлар тақдимоти билан танишди. Қайд этилишича, Бухоро ва Фарғона нефтни қайта ишлаш заводлари юқори сифатли ёқилғи ишлаб чиқариш бўйича модернизация қилинади.
“Евро-4” стандартига жавоб берадиган ёқилғилардан ҳозирги кунда Европа бутунлай воз кечган, Россияда кам қолган. Ўзбекистон ҳам 2025 йил январдан 80 маркали бензинни тақиқлайди.
