Таниқли бастакор Мусахон Нурматов вафот этди

Ўзбекистонда хизмат кўрсатган маданият ходими, таниқли бастакор Мусахон Нурматов 56 ёшида вафот этди.  

У 1968 йили Фарғона вилоятида туғилган эди. 

Мусахон Нурматов 1990 йиллар охири,  2000 йиллар бошида ўзбек миллий этрада санъатидаги юзлаб қўшиқларнинг мусиқаси муаллифидир. 

У Озодбек Назарбеков,  Ботир Қодиров,  Абдурашид Йўлдошев,  Фарҳод Саидов,  Алишер Файз,  Мансурхон Нурматов, Адҳам Солиев,  Дилсўз каби машҳур  қўшиқчилар қатори ўнлаб истеъдодли ёш ижрочилар қўшиқларини басталаган. 

Унинг "Лайлим",  " У гўзал бошқа", "Адашдим",  "Яна соғиндим,  яна", "Мени севиб қолсайдинг", "Хабаринг йўқ", "Қизми бу,  кийикми бу",  "Даврага тушган гўзал",  "Оҳ,  мани ватаним бу",  " Келин бўлиб кетар бўлдинг Лайло",   "Тўлин ой", "Найсоним Ватан"  каби ўнлаб қўшиқлари машҳур.