Украинадаги АЭСда ёнғин юз берди
Мазкур АЭС урушнинг илк кунларида Россия томонидан эгаллаб олинганди. Киев ҳодисада россияликларни айблади.
Россия томонидан эгаллаб олинган Запорожье атом электр станциясида кучли ёнғин содир бўлди.
Атом электр станциясидаги ёнғинда Украина президенти Владимир Зеленский Россия армиясини, Москва томони эса Украинани айблади.
ТАСС хабарига кўра, Украина қуролли кучлари Запорожье атом электр станциясига камикадзе дрон билан зарба берган, шундан сўнг станциянинг совутиш тизимларида ёнғин чиққан. Ёнғин натижасида ҳеч ким жабрланмаган.
Станцияда портлаш хавфи йўқ, радиация фони нормал, деб ёзади нашр.
Айни пайтда, РБК хабарига кўра, объектдаги ёнғин ўчирилган.
Россия Фавқулодда вазиятлар вазирлигининг Запорожье бошқармаси аниқлик киритишича, ёнғин маҳаллий вақт билан 11 август соат 23:30да ўчирилган.
Эслатиб ўтамиз, ушбу АЭС ҳудудини Россия Украина урушининг илк кунларидаёқ эгаллаб олганди.
