Сомалидаги пляжда теракт: 30 киши ҳалок бўлди

Сомали пойтахти Могадишодаги Лидо пляжида кучли портлаш юз берди. ОАВ хабарларига кўра, 20 дан 30 гача одам ҳалок бўлган.

Ҳужум учун масъулиятни "Аш-Шабоб" гуруҳи ўз зиммасига олди.

Меҳмонхона яқинидаги соҳилда жабрланганлар ҳақида маълумотни Garowe, Shabelle Media Network ва Baidoa online нашрлари ўзларининг Х ижтимоий тармоғидаги саҳифаларида тақдим этадилар.

Теракт акс этган видеода Beach View меҳмонхонаси фонида соҳилдаги одамларнинг ваҳима тушгани тасвирланган.

Таъкидланишича, портловчи қурилмани худкуш-террорчи портлатган. Баидоа нашининг сўзларига кўра, портлаш иккита меҳмонхона ҳудудида содир бўлган.