Навоийда вилоят ҳокими ўринбосари ва икки ҳоким жазоланди
Навоий вилояти ҳокимининг қурилиш, коммуникациялар, коммунал хўжалик бўйича ўринбосари ҳамда Нурота, Навоий шаҳар ҳокимларига ҳайфсан берилди.
![Навоийда вилоят ҳокими ўринбосари ва икки ҳоким жазоланди](https://cp.platina.uz/media/CACHE/images/736_736_95_1900177736.5588d1d0a2b5.webp)
Навоийда вилоят ҳокими ўринбосари ва икки ҳокимга жазо қўлланилди.
Жумладан, Навоий вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари Камолов Эркин Шамсиддиновичга ҳайфсан жазоси қўлланилди.
Айтилишича, ўринбосар ўзига юклатилган лавозим мажбуриятларини лозим даражада бажармаган;
- талабчанликни сусайтириб юборган;
- коммунал соҳа бўйича етарлича шуғулланмасдан, ишларни ўз ҳолига ташлаб қўйган;
- ишда камчиликларга йўл қўйган.
Шунингдек, Навоий шаҳар ҳокими Эргашев Дилмурод Бекмурадович ва Нурота тумани ҳокими Файзиев Азамат Исматовичга ҳайфсан жазоси берилди.
Бунга ҳокимларнинг аҳоли бандлигини таъминлаш, хорижий инвестицияларни жалб қилиш, экспорт прогнози ижросини таъминлаш, коммунал соҳа билан ишлаш, ижро интизомини мустаҳкамлаш масалаларида ишларни қониқарсиз ташкил этгани, талабчанликни сусайтириб юборган, ишда камчиликларга йўл қўйгани сабаб қилиб келтирилган.