Бакалавр ва магистратура учун давлат гранти миқдори эълон қилинди
Магистратура учун грантлар ўтган йилга нисбатан ошгани қайд этилган.
Бакалавр ва магистратура учун давлат грантида қабул квоталари тасдиқланди.
Президентнинг 2024 йил 19 июлдаги Ф–36-сон фармойиши билан 2024/2025-ўқув йили учун давлат олий таълим муассасаларига ўқишга қабул қилишнинг давлат буюртмаси (гранти) параметрлари тасдиқланди.
Унга кўра, бакалавр ва магистратура қабули учун жами 44 203 та давлат гранти ўринлари ажратилди.
Жумладан:
бакалавр кундузги таълим шаклига – 34 838 нафар;
магистратура бўйича – 9 365 нафар грант ўринлари ажратилди.
Таъкидлаш керакки, ўтган 2023-2024 йилги мавсумда бакалавриат бўйича кундузги таълим шаклига 34 860 нафар, магистратура бўйича 8 923 нафар этиб тасдиқланганди. Яъни бакалавр учун грантлар бироз камайган, аммо магистратура учун эса кўпайган.
