Агриппина Шин корейс университетига ректор бўлди
Яқинда у бошчилик қилган Мактабгача таълим агентлиги фаолияти тугатилган эди.
Агриппина Шин Тошкент шаҳридаги Пучон университети ректори лавозимига тайинланди. Шин Мактабгача ва мактаб таълими вазирининг биринчи ўринбосари ҳамдир.
У раҳбарлик қилган Мактабгача таълим агентлиги фаолияти президент фармони билан тугатилиб, вазирлик таркибига ўтказилган эди.
Аввалги ректор Виктор Нам Тошкент шаҳридаги “А.И.Герцен номидаги Россия давлат педагогика университети” федерал давлат бюджети олий таълим муассасаси филиалининг ижрочи директори лавозимига тайинланди.
Шунингдек, Иқбол Мелиқўзиев Тошкент шаҳридаги “С.А.Герасимов номидаги Бутунроссия давлат кинематография институти” федерал давлат бюджети олий таълим муассасаси филиалининг директори лавозимига тайинланди.
Элдор Шерманов эса Юнус Ражабий номидаги Ўзбек миллий мусиқа санъати институтининг ўқув ишлари бўйича проректори – ректори вазифасини вақтинча бажарувчи этиб 6 ой синов муддати билан тайинланди.
