Исроил Фаластиннинг минг гектардан ошиқ ҳудудини эгаллаб олди

Исроил раҳбарияти Ғарбий Соҳилдаги 1270 гектар майдонни "давлат ерлари" деб эълон қилди, бу сўнгги 30 йилдаги энг катта эгаллаб олинган Фаластин ҳудудидир.

Бу ҳақда "Шалом Ахшав" инсон ҳуқуқлари ташкилоти ўз сайтида маълум қилди.

"2024 йил давлат ерларини декларациялаш миқёсида энг юқори чўққи ҳисобланади. 2024 йил бошидан бери Исроил Ғарбий Соҳилдаги 2370 гектарни давлат ерлари деб эълон қилди", — дейилади ҳисоботда.

Шунингдек, Исроил Фаластинни тан олган давлатларга мурожаат қилган. Яҳудий давлатининг Германиядаги элчиси Рон Просорнинг айтишича, Исроил Фаластин давлатчилигини тан олган давлатларни кечирмайди. Унинг таъкидлашича, бу "террорчиларга бағрига шамол тегиши" деганидир.