Зеленский Путин билан музокара жараёнига розилик билдирди

Украина президенти Владимир Зеленский Phladelphia Inquirer нашрига берган интервьюсида Россия президенти Владимир Путин билан музокаралар ўтказиш масаласига рози бўлди.

Илгари у Украинада ҳатто қонун билан мустаҳкамланган бундай музокараларнинг мумкин эмаслиги ҳақида бир неча бор гапирганди.

Зеленскийнинг сўзларига кўра, Россия етакчиси билан музокараларнинг ягона варианти воситачилардан фойдаланишдир, чунки бу Қора денгиз дон йўлагини муҳокама қилиш ва яратиш жараёнида амалга оширилган.

"Ушбу модель Украина Россия билан эмас, балки БМТ ва Туркия билан музокаралар олиб борганида, дон йўлаги мисолида биринчи марта қўлланилган. Улар, ўз навбатида, биз билан музокаралар олиб бориш, кейин эса Россия Федерацияси билан тегишли шартнома имзолаш масъулиятини ўз зиммаларига олишди. Бу шундай ишлади: БМТ ва Туркия ўртасидаги иккита келишув амал қилди", — деди Зеленский.

Зеленскийнинг сўзларига кўра, вазифа Украина ва украиналикларнинг барчасини бутунлай йўқ қилишнинг олдини олиш, украиналикларнинг ҳозирги ва келажак авлодлари хавфсизлигини таъминлашдан иборат.

Украина президенти таъкидлаганидек, иқтисодий хавфсизлик мамлакатнинг Европа Иттифоқига аъзолигидир. 

Бундан ташқари, у Украина НАТОда бўлиши кераклигига ишонади, чунки бусиз унинг мамлакати учун катта хавф мавжуд.

Эслатиб ўтамиз, Путин аввал тўртта ҳудуддан воз кечиш эвазига Украина билан келишувга розилик билдирганди. Киев буни қабул қилмаган.