Салимбой ва Бахти Ташкентскийнинг фарғоналик шериги ушланди

Фарғона вилояти, Марғилон шаҳрида Бахти Ташкентский ва Салим Абдувалиевларнинг шериги Абдулло Эгамбердиев қўлга олинди. Бу ҳақда вилоят ИИБ хабар берди. 

У ИИБ тезкор ходимлари томонидан қўлга олинган. Абдулло Эгамбердиев 2022-2023 йилларда "қонундаги ўғри" Бахтиёр Қудратуллаев ва Салим Абдувалиевлар билан яқин алоқа ўрнатган ва Марғилон шаҳрини норасмий "назорат қилиш"га уринган. 
 

У аввал ҳам ЖКнинг 166-моддаси билан судланган. Ҳозирда Эгамбердиевга Жиноят кодексининг 168-моддаси билан иш очилиб, тергов ҳаракатлари олиб борилмоқда.

Эслатиб ўтамиз, Салим Абдувалиев ва Бахтиёр Қудратуллаев ўтган йили қишда қўлга олинганди. 

Абдувалиев суд ҳукми билан 6 йилга қамалди, Бахти Ташкентский устидан суд давом этмоқда.