Ҳалилилло Тўрахўжаев Рақобат қўмитаси раиси лавозимига сайланди

Ҳалилилло Тўрахўжаев Рақобат қўмитаси раиси лавозимига сайланди.

Сенатнинг 53-ялпи мажлисида Рақобатни ривожлантириш ва истеъмолчилар ҳуқуқларини ҳимоя қилиш қўмитаси раисини сайлаш масаласи ҳам кўриб чиқилди.

Янги таҳрирдаги Ўзбекистон Республикаси Конституциясининг 95-моддаси ҳамда 109-моддасига мувофиқ Ўзбекистон Республикаси Президентининг тақдимига биноан Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси Сенат томонидан сайланади.

Ҳалилилло Собиржонович Тўрахўжаев Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси лавозимига сайланди.

Тўрахўжаев бунгача Олий суд раиси ўринбосари лавозимида ишлаганди.

Олдинроқ Ниғматилла Йўлдошев Бош прокурор лавозимида тайинланганди.