Исроилнинг Сурияга зарбаси оқибатида 12 киши ҳалок бўлди
"Ал-Арабия" хабарига кўра, ҳужум Сурия армияси томонида жанг қилаётган "Ҳизбуллоҳ" жангарилари лагерига қаратилган.
Исроил ҳарбий-ҳаво кучлари самолётлари Алеппо шаҳри яқинидаги ҳудудларга зарбалар берди, дея хабар берди Сурия Мудофаа вазирлиги.
Суриядаги Инсон ҳуқуқлари мониторинги маркази (Лондонда жойлашган, мухолифатга яқин) маълумотларига кўра, камида 12 нафар эронпараст жангари ҳалок бўлган.
AL-Hadaht телеканали маълумотларига кўра, Ҳалаб шимолидаги кичик шаҳарча — Ҳайяндаги мис эритиш заводига авиазарбалар берилган. Сурия матбуотига кўра, мамлакат ҳаво ҳужумидан мудофаа тизимлари тўсиқлардан ўт очган ва бир нечта ракеталарни урган.
"Ал-Арабия" хабарига кўра, ҳужум Сурия армияси томонида жанг қилаётган "Ҳизбуллоҳ" шиа жангарилари лагери жойлашган ҳудудга қаратилган.
Май ойи охирида Суриянинг Хомс вилоятидаги ҳарбий базага берилган авиазарба натижасида олти нафар шиа жангари ҳалок бўлганди. Исроил ҳарбий-ҳаво кучлари Эл Фуруклус қишлоғидаги нишонларга ҳужум қилди, бир неча ёнилғи ташувчи танкер йўқ қилинди.
Эслатиб ўтамиз, 1 апрел куни Исроил Эроннинг Дамашқдаги консуллигига ҳужум қилган ва оқибатда юқори рутбали амалдорлар ҳалок бўлганди.
