Бинолардаги мозаикалар маданий мерос рўйхатига киритилади
Ушбу объектларни Давлат кадастри рўйхатига олиш чоралари ҳам кўрилади.
Республика ҳудудида жойлашган бинолар деворларида ишланган мозаика композициялари Моддий маданий мероснинг кўчмас мулк объектлари рўйхатига киритилади.
Бу ҳақда ҳукуматнинг тегишли қарори қабул қилинди.
Маданий мерос агентлиги Кадастр агентлиги ва ҳокимликлар билан ушбу объектларни белгиланган тартибда давлат кадастри рўйхатига киритиш чораларини кўради.
Бу рўйхатга киритилган объектлар мавжуд бўлган турар жой ва нотурар жойлардаги, уларнинг муҳофаза тегралари ва туташ ҳудудларида режалаштирилган қурилиш ишлари билан боғлиқ бўлган ҳар қандай фаолият тури Маданий мерос агентлигининг хулосаси олингандан сўнг амалга оширилади.
Ушбу объектлар маданий қийматга эгалиги тўғрисидаги ёзувлар кадастр ҳужжатига киритилади.
