АҚШда президентлик учун асосий номзодлар аниқ бўлди
Бу йил ҳам 2020 йилги қарама-қаршилик такрорланади.
АҚШнинг собиқ президенти Доналд Трамп ва Оқ уйнинг амалдаги раҳбари Жо Байден республикачилар ва демократлар партиясининг праймеризларида ғалаба қозонишди. Шундай қилиб, улар тез орада ўз партиялари томонидан АҚШ президентлигига расман номзод бўлишади - 2024 йилги сайловларда катта эҳтимол билан Байден-Трамп қарама-қаршилиги такрорланади.
Байденнинг АҚШ президентлигига Демократик партиядан номзодини илгари суриши расмиятчилик эди, чунки иккинчи муддатга сайланишга қарор қилган мамлакатнинг амалдаги раҳбари, қоида тариқасида, жиддий рақобатга дуч келмайди.
Республикачилар учун номзодлик учун кураш эса анча жиддий кечди, гарчи Трамп сайлов кампаниясининг бошиданоқ катта устунликка эга бўлган ва унинг энг яқин рақиби, АҚШнинг БМТдаги собиқ элчиси Никки Хейлининг номзодликда ғалаба қозониш учун реал имконияти бўлмади.
Сешанба куни республикачиларнинг праймеризлари тўрт штатда бўлиб ўтди: Жоржия, Гавайи, Миссисипи ва Вашингтон.
Хейли "супер сешанба" кунги мағлубиятлар ортидан пойгадан чиқиб кетганидан сўнг, Трамп яқинда президентликка номзодни расман кўрсатадиган партия конференциясига атиги 137 делегат кам эди.
Трампнинг ягона рақиби Никки Хейли Республикачилар партиясидан номзодлик учун курашдан чиқди, бироқ собиқ президентни қўллаб-қувватламади.ABC News хабарига кўра, собиқ президент Вашингтондаги ғалабасидан сўнг керакли овозларни олди.
АҚШда президентлик сайловлари 2024 йил 5 ноябрда бўлиб ўтади.
