Британияда террор хавфи кескин ортди
Бундан хавф 2001 йил 11 сентябр воқеаларидан буён кузатилмаган.
Daily Mail нашрининг маълум қилишича, Британия разведка идоралари парламент аъзоларини мамлакатда терактлар хавфи туфайли террор таҳдиди даражаси оширилгани ҳақида огоҳлантирган. Газетанинг ёзишича, бу бош вазир Риши Сунак яҳудийларни қўллаб-қувватлаган нутқидан кейин содир бўлган.
Британияда террорчилик таҳдиди яқинда кучайди ва ҳозирда Ню-Йоркдаги терактлар содир этилган 2001 йил 11 сентябрдан бери энг юқори даражага етди, деб ёзади нашр.
Газетага кўра, парламент аъзолари Британия хавфсизлик амалдорлари томонидан таҳдид даражаси ортгани ҳақида алоҳида огоҳлантирилган. Бу экстремистик суҳбатларнинг аниқланиши, шунингдек, Британия ҳудудида келишилган террорчилик ҳужумининг "ҳақиқий хавфи" билан боғлиқ.
“Экстремистик суҳбатлар даражаси жадвалдан ташқарида. Улар [разведка хизматлари] унинг ўсиб бораётганини кўрдилар. Бу худди 2001 йилда эгизак миноралар қулаганда катта нафрат авж олганига ўхшайди”, деди разведка брифингларидан хабардор парламент аъзоларидан бири газетага.
Daily Mail нашрининг ёзишича, террор таҳдиди даражасининг ошиши ўтган ҳафта Британия яҳудийларини ҳимоя қилиш ва Фаластин тарафдорларига қарши чиққан Бош вазир Риши Сунакнинг баёнотларидан кейин содир бўлди.
Исроилнинг Ғазо секторига уюштирган ҳужумлари туфайли Британия ва дунёнинг кўплаб давлатларида фаластинликларни қўллаб-қувватлаш учун намойишлар бўлиб ўта бошлади. Лондонда бундай акциялар ўн минглаб иштирокчиларни жалб қилди ва улар ҳозиргача давом этмоқда.
Аввалроқ ички ишлар вазири Жеймс Клеверли намойишчиларни “ўз фикрларини билдирганликларини” айтиб, митингларни тўхтатишга чақирган эди. Бироқ Британиядаги Фаластин тарафдори гуруҳлар Ғазо секторида ўт очишни тўхтатмагунча юришни давом эттиришга қарор қилишди.
