Олмалиқда ҳалок бўлган ҳиндистонликлар оилаларига компенсация тўланади

Олмалиқ КМК 3-мис бойитиш фабрикаси қурилишида ишлаётган ҳиндистонлик ишчилар устига вақтинчалик қурилманинг том қисми қулагани хабар берилганди. Ишчилар “Emirates” компаниясидан жалб этилган бўлган.

Бунинг натижасида 3 нафар ҳиндистонлик ишчилар вафот этган, 27 нафари шифокорларга мурожаат қилган. Мурожаат қилганларнинг 4 нафарига шифохонада зарур тиббий ёрдам кўрсатилиб жавоб берилган.

Platina.uz мухбир ҳолат юзасидан суриштирув ўтказди.

Маълум бўлишича, мазкур ҳолатни ўрганиш учун Ҳиндистон консули Ражеш Бадола ташриф буюрди. Ҳолат бўйича берилган маълумотга кўра, бахтсиз воқеа ҳиндистонлик муҳандислар томонидан иш тақсимлаш вақтида тахминан эрталабки соат 8.00лар да юз берган.

Иш берувчи томонидан барча ишчилар суғурталанган бўлиб, вафот этганлар оилаларига компенсация пули тўлаб берилади. Жароҳатланганларга тиббий ёрдам кўрсатилмоқда.