Жиззахда мудофаа ишлари биноси учун 1,6 млрд. сўм ажратилади

Жиззах вилояти ҳокими Эргаш Салиев Ғаллаорол тумани мудофаа бўлими 1,6 млрд. сўм маблағ ажратди. 

Тегишли ҳокими фармойиши, бугун 13 феврал куни эълон қилинди. 

Ҳужжатга кўра, мазкур маблағ мудофаа бўлими маъмурий ва чақирув пункти биноларини таъмирлаш учун берилади. Ушбу пул вилоят ҳокимлиги ҳузуридаги "Ҳарбий-маъмурий секторни ривожлантириш жамғармаси"га тушган маблағлар ҳисобидан берилади. 

"Ягона буюртмачи хизмати" инжиниринг компаниясига маблағдан фойдаланишни назорат қилиш, иш ҳажмига қараб банк ҳисобига йўналтириш вазифаси топширилди.

Шунингдек, бугун эълон қилинган халқ депутатлари Жиззах вилояти кенгаши қарори билан бюджетдан 43 млн. 200 минг сўм маблағ ажратилади. Бу маблағ Ўзбекистон давлат академик катта театри жамоасининг Жиззах вилоятига гастрол сафарини ташкил этиш сарф-харажатларидан юзага келган қарздорликни қоплаш учун тақдим этилади.