Олтинкўл туманига ҳоким вазифасини бажарувчи тайинланди
У аввал Андижон вилояти ҳокими ёрдамчиси лавозимида ишлаганди.
Жамият
6 февраль, 17:43
Абдужалилов Эргашали Абдуқурбонович Олтинкўл тумани ҳокими вазифасини бажарувчи этиб тайинланди. Бу ҳақда вилоят ҳокимлиги матбуот хизмати хабар берди.
Эргашали Абдужалилов 1985 йили Марҳамат туманида туғилган. 2007 йилда Ўзбекистон Республикаси ИИВ академиясини тамомлаган.
Меҳнат фаолияти давомида ижтимоий, иқтисодий, ҳуқуқий тизимларда мутахассис, бўлим бошлиғи, раҳбар ўринбосари ҳамда раҳбарлик лавозимларида ишлаган.
Ушбу лавозимга тайинлангунига қадар Андижон вилояти ҳокимининг маҳаллий саноатни ривожлантириш масалалари бўйича ёрдамчиси сифатида фаолият юритиб келаётган эди.
Шу пайтгача Олтинкўл туманида Маҳамадмусо Обидов раҳбарлик қилиб келаётганди.
