Ҳиндистонда ўзбек аёлининг жасади топилди

Ҳиндистондаги "Hry" дам олиш масканида ўзбек аёл ва ҳинд эркакнинг  жасади топилган деб хабар берди Daijiworld янгиликлар нашри.

Душанба, 22 январ куни полициянинг хабарига кўра, Ҳиндистоннинг Ҳаряна штати Сонипат туманидаги  "Mera Gaon Mera Desh" дам олиш масканида ўзбекистонлик аёл ва деҳлилик эркакнинг ярим-яланғоч ҳолатдаги жасадлари топилган.

Жасадлар якшанбага ўтар кечаси икки киши рўйхатдан ўтган, брон қилинган хонада топилган. Душанба куни эрталаб жасадларни аниқлаган дам олиш маскани ходимлари полицияга хабар беришди.

Ўлим сабаби ўлимдан кейинги экспертизадан сўнг маълум бўлади.

Марҳумлар - Деҳлида яшовчи Ашок Вихар (26 ёшда), аёл эса ўзбекистонлик Абдуллаева (32 ёш) эканлиги аниқланган.

Эркакнинг оиласи касалхонага етиб келган, аммо бу ҳақда изоҳ беришдан бош тортган. Ўзбекистон элчихонасига ҳам ҳодиса юзасидан маълумот берилган. 

Бироз аввал ҳинд режиссёрига турмушга чиққан ўзбек аёли мамлакатдан кетаётганда ушлангани маълум бўлганди.