Бўка ҳокими ўз аризасига кўра ишдан олинди

Низомиддин Аббосов соғлиги ёмонлашгани туфайли ўз аризасига биноан Бўка тумани ҳокими лавозимидан озод этилди.

Унинг ўрнига Бахтиёр Бегматов тайинланди. Бунгача у Тошкент вилояти Камбағалликни қисқартириш ва бандлик бош бошқармаси бошлиғи ўринбосари - маҳаллабай ишлаш ва тадбиркорликни ривожлантириш бошқармаси бошлиғи лавозимида ишлаб келаётган эди.

Бахтиёр Бегматов 1976 йили Тошкент вилояти Паркент туманида туғилган. Маълумоти – олий. 1998 йил Тошкент давлат иқтисодиёт университети, 2001 йил Ўзбекистон Республикаси Президенти ҳузуридаги давлат ва жамоат қурилиши академияларини тамомлаган.