Ўзбекистон армияси халқаро рейтингда пастлади
АҚШ армияси дунёда энг кучли дея қайд этилди.
Жамият
11 январь, 13:08
Global Firepower талқинига кўра, Ўзбекистон дунёдаги энг кучли армиялар рейтингида ((2024 Military Strength Ranking)) 145 давлат орасида 65-ўринни эгаллади.
2023 йилга нисбатан мамлакат уч поғонага – 62-ўриндан 65-ўринга тушиб кетган.
Global Firepower Ўзбекистоннинг мудофаа бюджетини 796,8 миллион долларга баҳоламоқда. Ҳарбий хизматчилар сони 68 минг, хизматда эса 48 минг киши мавжуд.
Ушбу рейтингда Қозоғистон 58, Туркманистон 83, Қирғизистон 100 ва Тожикистон 107-ўринни эгаллаган.
Рейтингнинг дастлабки уч поғонасидан AҚШ, Россия ва Хитой жой олган. Постсовет маконида юқори ўринларда Украина армияси ҳам қайд этилган (18-ўрин). Ғазода уруш олиб бораётган Исроил 17 -ўринда.
