Бюджет ташкилотлари маоши нега кечикмоқда?
Вазирлик муаммо қачон ҳал бўлиши мумкинлигини айтди.
Тармоқда бюджет ташкилотларининг декабр ойи маоши берилмаётгани бўйича хабарлар берилмоқда. Иқтисодиёт ва молия вазирлиги вазият юзасидан муносабат билдирди.
Вазирлик изоҳига кўра, UzASBO-2 тизимига ўтилиши айрим узилиш ва муаммолар келтириб чиқараётганини қайд этган ҳолда, иш ҳақини белгиланган муддатларда (5 иш кунида) молиялаштириб бериш юзасидан зарурий чоралар кўрилаётганини маълум қилган.
"Бугунги кунда ушбу носозликларни бартараф этиш юзасидан зарур чоралар кўрилди ҳамда UzASBO-2 тизими орқали бюджет ташкилотларининг декабрь ойи ИИ ярми учун 35 фоиз бюджет ташкилотларининг иш ҳақлари молиялаштириб берилиши таъминланди.
Иш ҳақини тўлаш жараёнида UzASBO-2 тизимининг бир маромда ишлаши учун мутахассислар томонидан мониторинг олиб борилмоқда ва иш ҳақини белгиланган муддатларда (5 иш кунида) молиялаштириб бериш юзасидан зарурий чоралар кўрилмоқда", дея таъкидланади вазирлик маълумотида.
Таъкидлаш керакки UzASBO тизимида аввалги йилларда ҳам шунга ўхшаш муаммолар кузатилган.
